قصيدة رووعه..

السلااام عليكم ورحمة الله وبركاته

عندي قصيده طبعا مو أنا ألي كاتبتها بس أحبها حيل حيل

من جد تذكرني بوااحد ........

االمهم حبيت أني أكتبها هناا لأني من جد نفسي احد يقراااها مثل ما أنااا أقراها أكثر من مره


أحبهااااااااا حيل حيل وأتمنى أولاً وأخيراً أنها ما تكون مكرره يااااااارب


المهم أهي القصيده أقروها وقولوا لي راااااااايكم فيها


عهـدي بهـا قــدام تلـبـس عبـايـه
وانا بعـد قبـل البـس شمـاغ وعقـال

طفليـن نتهجـى حــروف الكتـابـه
الله يامجـمـل سوالـيـف الاطـفــال

كانـت لنـا فـي كـل شـارع حكايـه
وكنـا نقـول علـوم ماهيـب تنـقـال

وكنـت اتقـاسـم مامعـاهـا معـايـه
من ( عسكريم ) التوت ل(العلك) بو ريال

وكانـت بعكسـي شاطـره بالقـرايـه
تقـرأ جـزء عـم وطــه والأنـفـال

وانـا لـك الله مـن مـواري غبـايـه
مدري ابو نقطـه هـو الـذال او الـدال

وكانـت لابويـه تشتكـي مـن شقايـه
وتعلمـه كيـف اربـط البـاب بحبـال

ياما على ظهـري كسـر مـن عصايـه
يقول لي : خلـك وانـا ابـوك رجـال

وامـي تقـول : ادع لولـدك الهـدايـه
خوفي يصيبـه كثـرة الضـرب بهبـال

لا شفتهـا مـع اول الــدرب جـايـه
مدري انا اللي ملـت والا الوطـا مـال

أحـس قلبـي يرتجـف فـي حشـايـه
ماكنـه الا الضيـف لا هـز فنـجـال

ياما عـن ( السعلـي ) تخبـت ورايـه
لا خوفوهـا فيـه ثـم شافـت ظــلال

تقـول خـلـك يــا(.......) معـايـه
واستانس العـب عندهـا دور الابطـال

واغـار حتـى مـن عيـون اصدقايـه
لاطالعوها قلـت تكفـووووون ياعيـال

انتظر ردوودكم..